بینظیر کفالت پروگرام میں درخواست کیسے دیں؟

 حکومت پاکستان نے بینظیر کفالت پروگرام کے تحت اگلے تین سال کے لیے رجسٹریشن کا عمل شروع کر دیا ہے، جس کا مقصد ملک کے کم آمدنی والے طبقے کو مالی امداد فراہم کرنا ہے۔

بینظیر کفالت پروگرام پاکستان کی سماجی تحفظ کے منصوبوں میں سے ایک ہے، جسے حکومت نے غریب اور مستحق خاندانوں کی معاشی حالت بہتر بنانے کے لیے شروع کیا ہے۔ اس پروگرام کے تحت مستحق افراد کو ماہانہ مالی مدد فراہم کی جاتی ہے تاکہ وہ اپنی بنیادی ضروریات پوری کر سکیں۔

پروگرام کی رجسٹریشن کا عمل مکمل طور پر ڈیجیٹل کر دیا گیا ہے۔ رجسٹریشن کے لیے درخواست دہندگان کو متعلقہ دستاویزات اور شناختی کارڈ کے ساتھ قریبی مراکز پر جانا ہوگا یا آن لائن فارم

بھر کر رجسٹریشن کروائی جا سکتی ہے۔

حکومت کے مطابق یہ اقدام معیشت کو سہارا دینے اور مستحقین تک براہ راست مدد پہنچانے کے لیے اٹھایا گیا ہے۔ نئے رجسٹریشن کے بعد، حکومت اس بات کو یقینی بنانے کے لیے ڈیٹا کی تصدیق کرے گی کہ صرف اہل افراد کو ہی مالی مدد مل سکے۔

بینظیر کفالت پروگرام کے تحت  لاکھوں خاندانوں کی زندگیوں میں بہتری کی امید کی جا رہی ہے۔

بینظیر کفالت پروگرام میں درخواست کیسے دیں؟

بینظیر کفالت پروگرام میں شامل ہونے کے لیے آپ درج ذیل مراحل پر عمل کر سکتے ہیں:

1.اپنے علاقے کے قریبی بینظیر کفالت رجسٹریشن سینٹر پر جائیں۔ 

2.  اپنا قومی شناختی کارڈ اور دیگر متعلقہ دستاویزات ساتھ لے جائیں۔ عملہ آپ کا ڈیٹا چیک کرے گا اور تصدیق کے بعد رجسٹریشن کی کارروائی مکمل کرے گا۔

3.  کچھ علاقوں میں آن لائن رجسٹریشن کی سہولت بھی فراہم کی گئی ہے۔ آپ حکومت کی آفیشل ویب سائٹ یا مخصوص موبائل ایپ کے ذریعے رجسٹریشن فارم پُر کر سکتے ہیں۔

4. حکومت نے بی آئی ایس پی (بینظیر انکم سپورٹ پروگرام) کے لیے مخصوص ایس ایم ایس نمبر بھی جاری کیا ہوا ہے۔ اپنے شناختی کارڈ کا نمبر اس نمبر پر بھیج کر آپ اپنی اہلیت معلوم کر سکتے ہیں۔

5. درخواست کی تصدیق کے بعد آپ کو اہل قرار دینے کی صورت میں ماہانہ وظیفہ مخصوص بے نظیر کارڈ یا بینک اکاؤنٹ کے ذریعے فراہم کیا جائے گا۔

۔